(កំពង់ឆ្នាំង)៖រដ្ឋបាលស្រុកកំពង់លែង នៅព្រឹកថ្ងៃទី១៣ ខែមេសា ឆ្នាំ២០២៤នេះ បានរៀបចំពិធីបួងសួងសុំសេចក្តីសុខនិងសុំពរជ័យ ក្នុងពិធីរៀបចំព្រឹត្តិការណ៍សង្ក្រាន្តឆ្នាំថ្មី ដែលនិងប្រារព្ធធ្វើរយៈពេល ៣ថ្ងៃក្នុងស្រុកកំពង់លែង។ពិធីសាសនានេះក៏មានការនិមន្តព្រះ សង្ឃចម្រើនព្រះបរិត្តប្រសិទ្ធិពរជ័យ សិរីមង្គល ជូនដល់ថ្នាក់ដឹកនាំ មន្ត្រីរាជការ និងប្រជាពលរដ្ឋ នាឱកាសបុណ្យចូលឆ្នាំថ្មី ប្រពៃណីជាតិខ្មែរ ឆ្នាំរោង ឆស័ក ព.ស.២៥៦៧ ក្នុងពិធីនេះក៏មានចែកអំណោយដល់អតីតយុទ្ធជននិងជនមានពិការភាពចំនួន៦៥នាក់ផងដែរ។
លោក យ៉ែម លក្ខិណា អភិបាលស្រុកកំពង់លែង បានប្រាប់ឱ្យដឹងថា: ការរៀបចំពិធីខាងលើនេះក្រោមអធិបតីភាពលោកឧត្តម សេនីយ៍ អ៊ុំ សុភា មេបញ្ជាការតំបន់ប្រតិបត្តិការសឹករងខេត្តកំពង់ឆ្នាំងនិងថ្នាក់ដឹកនាំជាអភិបាល និងអភិបាលរងស្រុកជាច្រើន រូបទៀតបានអញ្ជើញចូលរួមផងដែរ។បន្ទាប់ពីធ្វើពិធីសាសនាដោយបាននិមន្តព្រះសង្ឃចម្រើនព្រះបរិត្ត ដើម្បីសុំពរជ័យជូនដល់ថ្នាក់ដឹកនាំមន្ត្រីរាជការនិងប្រជាពលរដ្ឋរួចមកក៏បានចែកអំណោយ ជូនដល់អតីតយុទ្ធជននិងជនមានពិការភាពចំនួន៦៥នាក់មកពីតាមបណ្ដាឃុំនានាក្នុងស្រុកកំពង់លែង។
លោកអភិបាលស្រុកបានបញ្ជាក់ឲ្យដឹងទៀតថា: អំណោយដែលបានយកមកចែកជូនដល់អតីតយុទ្ធជ ននិងជនមានពិការភាពទាំងអស់ខាងលើនេះ គឺជាអំណោយដ៏ថ្លៃថ្លារបស់ សម្ដេច អធិបតី ហ៊ុន ម៉ាណែត ចែកជូនអតីតយុទ្ធជននិងជនមានពិការភាពដែល ក្នុងម្នាក់ៗទទួលបានអង្ករ២០គីឡូក្រាមមី១កេះ ,ទឹកស៉ីអ៉ីវ១យួរ, ទឹកត្រី១យួរ,និងថវិកា៣ម៉ឺនរៀល។
បន្ទាប់ពីទទួលបានអំណោយដ៏សប្បុរសរបស់ សម្ដេច អធិបតី ខាងលើកនេះ អតីតយុទ្ធជន និងជនមានពិការភាពទាំងអស់បានថ្លែងអំណរគុណយ៉ាងជ្រាលជ្រៅជាទីបំផុតដល់សម្ដេច និងលោក ជំទាវព្រមទាំងបុត្រាបុត្រី និងថ្នាក់ដឹកនាំដែលបានគិតគូរដល់អតីតយុទ្ធជនពិសេសជនមានពិការភាពទាំងអស់ខាងលើនេះ ពួកគាត់ក៏បានលើកដៃបួងសួងដល់ទេវតាឆ្នាំថ្មី ឆ្នាំរោង ប្រទានពរជ័យជូនដល់សម្ដេច និងលោកជំទាវព្រមទាំងបុត្រាបុត្រី និងថ្នាក់ដឹកនាំទាំងអស់នៅ ក្នុងឱកាសចូលឆ្នាំថ្មីប្រពៃណីជាតិខ្មែរយើងនេះ សុំឱ្យសម្ដេច និងអស់លោកទាំងអស់ជួបប្រទះនូវពុទ្ធិពរទាំងបួនប្រការគឺអាយុ វណ្ណៈ សុខៈ ពលៈ កុំបីឃ្លៀង ឃ្លាតឡើយ និងសុំឲ្យសម្រេចបាននូវរាល់ភារកិច្ច។
នាឱកាសនោះផងដែរ លោកឧត្តមសេនីយ៍ អ៊ុំ សុភា និងលោកអភិបាលស្រុកកំពង់លែង ក៏បានមានប្រសាសន៍សំណេះសំណាលជាមួយបងប្អូនអតីតយុទ្ធជន និងជនមានពិការភាព ក្នុងនោះលោកក៏បានមានប្រសាសន៍ណែនាំដល់បងប្អូនទាំងអស់សូមឱ្យមានការប្រុងប្រយ័ត្នចំពោះអគ្គីភ័យផ្សេងៗដោយសារ តែខណៈពេលនេះប្រទេសកម្ពុជារបស់យើងកំពុងរងនូវធាតុអាកាសក្តៅខ្លាំង ដែលងាយបង្កឲ្យកើតមាននូវអគ្គីភ័យផ្សេងៗ ពិសេសត្រូវថែទាំសុខភាពទាំងកូនចៅតូចៗនឹងខ្លួនយើងផ្ទាល់។ដោយឡែកនៅក្នុងឱកាសបុណ្យចូលឆ្នាំថ្មីប្រពៃណីជាតិខ្មែរយើងនេះ សូមបងប្អូនយើងទាំងអស់នៅតាមមូលដ្ឋានត្រូវនាំបងប្អូនកូនចៅលេងកម្សាន្តនូវល្បែងល្បាំប្រជាប្រិយប្រពៃណីជាតិខ្មែរយើងអោយបានផុលផុសបង្ករលក្ខណៈសប្បាយរីករាយនិងដើម្បីអភិរក្សនូវកេរ្តិ៍ដំណែលបន្សល់ពីដូនតារបស់ខ្មែរយើងផងដែរ៕
