(កំពង់ឆ្នាំង)៖គណៈកម្មាធិការគណបក្សប្រជាជនក ម្ពុជាខេត្តកំពង់ឆ្នាំង នៅព្រឹក១៥ ខែឧសភា ឆ្នាំ២០២៤នេះ បានរៀបចំពិធីសំណេះសំណាលជាមួយបេក្ខជនក្រុមប្រឹក្សាខេត្តក្រុមប្រឹក្សាក្រុងស្រុកនិងអង្គបោះឆ្នោតជាក្រុមប្រឹក្សាឃុំសង្កាត់ ដើម្បីផ្សព្វផ្សាយផែនការយុទ្ធនាការឃោសនាបោះឆ្នោតនិងការបោះឆ្នោតជ្រើសរើសក្រុមប្រឹក្សាខេត្តនិងក្រុមប្រឹក្សាក្រុង ស្រុក របស់គណបក្សប្រជាជនកម្ពុជា ឱ្យទទួលបានជោគជ័យក្នុងពេលខាងមុខនេះ។កិច្ចសំណេះសំណា លខាងលើនេះបានធ្វើឡើងក្រោមអធិបតីភាព បណ្ឌិតសុភាចារ្យ អ៊ុក រ៉ាប៊ុន ប្រធានក្រុមការងារថ្នាក់ក ណ្ដាលចុះមូលដ្ឋានខេត្តកំពង់ឆ្នាំង និងលោក ស៊ុន សុវណ្ណារិទ្ធិ ប្រធានគណៈកម្មាធិការគណបក្សប្រជាជនកម្ពុជាខេត្តកំពង់ឆ្នាំង ដោយមានសមាជិកសមាជិកាគណបក្សជាសមាជិកក្រុមប្រឹក្សា ខេត្ត ក្រុង ស្រុក ឃុំ សង្កាត់ចូលរួមសរុបចំនួន៨៤៩នាក់។
នៅក្នុងកិច្ចប្រជុំនេះដែរលោក ស៊ុន សុវណ្ណារិទ្ធិ សមាជិកគណៈ កម្មាធិការកណ្ដាលគណបក្សប្រជាជនកម្ពុជា និងជាប្រធានគណៈ កម្មាធិការគណបក្សប្រជាជនកម្ពុជាខេត្តកំពង់ឆ្នាំង បានអានរបាយការណ៍បូកសរុបអំពីវឌ្ឍនភាពនៃការដឹកនាំរបស់គណបក្ស ប្រជាជនកម្ពុជាខេត្តកំពង់ឆ្នាំង ជូនអង្គពិធីស្តាប់យ៉ាងក្បោះក្បាយដើម្បីជាមូលដ្ឋានដល់សាខាបក្ស ក្រុង ស្រុក មន្ទីរអង្គភាពជុំវិញខេត្ត និងឃុំសង្កាត់ ក្នុងការបន្តអនុវត្តគោលនយោបាយរបស់គណបក្សប្រជាជនកម្ពុជាឲ្យមានការរីកចម្រើនលើគ្រប់វិស័យជាបន្តទៀតក្រោមម្លប់សុខសន្តិភាព។
នៅក្នុងពិធីនេះដែរ បណ្ឌិតសុភាចារ្យ អ៊ុក រ៉ាប៊ុន សមាជិកគណៈកម្មាធិការកណ្ដាលគណបក្សប្រជាជនកម្ពុជានិងជាប្រធានក្រុមការងារថ្នាក់កណ្ដាលចុះមូលដ្ឋានខេត្តកំពង់ឆ្នាំង ក៏បានផ្ដល់នូវអនុសាសន៍ដឹកនាំ និងណែនាំមួយចំនួនដល់ថ្នាក់ដឹកនាំបក្សគ្រប់សាខាបក្ស នៅគ្រប់មូលដ្ឋានបក្ស ត្រូវយកចិត្តទុកដាក់អនុវត្តឱ្យបានម៉ឺងម៉ាត់ និងត្រឹមត្រូវនូវគោលនយោបាយរបស់គណបក្ស ប្រជាជនកម្ពុជា។ជាពិសេសត្រូវយកចិត្តទុកដាក់ចូលរួមឲ្យបានសកម្មក្នុងយុទ្ធនាការឃោសនាបោះឆ្នោតជ្រើសរើសក្រុមប្រឹក្សាខេត្តនិងក្រុងស្រុក និងការចូលរួមរបស់អង្គបោះឆ្នោតដែ លជាសមាជិកក្រុមប្រឹក្សាឃុំសង្កាត់ ត្រូវតែគោរពច្បាប់ស្ដីពីការបោះឆ្នោតឲ្យបានខ្ជាប់ខ្ជួន និងត្រូវមានវត្ត មានទៅបោះឆ្នោតគ្រប់ៗរូប ដើម្បីឲ្យគណបក្សប្រជាជនកម្ពុជាទទួលបានជ័យជំនះក្នុងពេលខាងមុខនេះ ។
នៅក្នុងពិធីប្រជុំសំណេះសំណាលនេះដែរបណ្ឌិតសុភាចារ្យ អ៊ុក រ៉ាប៊ុន ក៏បានឧបត្ថម្ភថវិកាមួយចំនួនដល់ប្រធានគណៈកម្មាធិការសាខាបក្សក្រុងស្រុកទាំង៨ផងដែរ ដើម្បីបម្រើការងារក្នុងយុទ្ធនា ការឃោសនាបោះឆ្នោតនៅគ្រប់មូលដ្ឋានក្រុងស្រុក ដែលបានចាប់ផ្ដើមឃោសនានៅថ្ងៃទី១៧ ខែឧសភា ឆ្នាំ២០២៤និងបោះឆ្នោតជ្រើសរើសក្រុមប្រឹក្សាខេត្ត និងក្រុង ស្រុក នៅថ្ងៃទី២៦ ខែឧសភា ឆ្នាំ២០២៤ក្នុងពេលខាងមុខនេះ ដើម្បីឲ្យគណបក្សប្រជាជនកម្ពុជាទទួលបានជ័យជំនះដ៏ត្រចះត្រចង់ និងបន្តថែរក្សាសន្តិភាព និងការអភិវឌ្ឍន៍ប្រទេសជាតិឲ្យមានការរីកចម្រើនសម្បូរសប្បាយជាបន្ត៕
