(កំពង់ឆ្នាំង)៖ប្រជាកសិករក្នុងស្រុកកំពង់លែង ខេត្តកំពង់ឆ្នាំង ដែលប្រកបមុខរបរធ្វើស្រែប្រាំងរីករាយ ដោយឆ្នាំនេះ ការបង្កបង្កើនផលស្រូវប្រាំងរបស់ពួកគាត់ពុំមានជួបប្រទនូវការខ្វះខាតទឹកស្រេចស្រព្យធ្ងន់ធ្ងរដូចឆ្នាំមុនៗនោះឡើយ។ដោយសារតែឆ្នាំនេះមានការយកចិត្តទុកដាក់និងត្រៀមជាមុនទាំងការជួសជុលប្រព័ន្ធធារាសាស្ត្រនិងម៉ាស៊ីនបូមទឹកពីថ្នាក់ដឹកនាំខេត្ត-ស្រុកក្នុងការជួយសង្គ្រោះស្រូវប្រាំងរបស់ប្រជាកសិករបានទាន់ពេលវេលាដោយអាជ្ញាធរបានអះអាងថា និងបន្តការអនុវត្តនូវបទពិសោធន៍ដ៏មានប្រសិទ្ធភាពនេះនិងបន្តទៅឆ្នាំក្រោយៗទៀតដើម្បីចូលរួមលើ កកម្ពស់ជីវភាពរស់នៅរបស់ប្រជាពលរដ្ឋ។
ជាក់ស្ដែងនៅរសៀលថ្ងៃទី១ ខែមីនា ឆ្នាំ២០២៥នេះ លោក សាន់ យូ អភិបាលរងខេត្តកំពង់ឆ្នាំង បាននាំយកប្រេង ម៉ាស៊ូតចំនួន ១.០០០លីត្រផ្ដល់ដោយលោក ស៊ុន សុវណ្ណារិទ្ធិ អភិបាលខេត្ត ជូនដល់ប្រជាកសិករក្នុងស្រុកកំពង់លែងបន្ថែមទៀតដើម្បីត្រៀមទុកប្រើប្រាស់សក្នុងការបូមទឹកស្រោចស្រព្យស្រូវប្រាំងរបស់ពួកគាត់នៅពេលជួបប្រទះការខ្វះខាតទឹកទម្រាំដល់ពេលប្រមូលផលដែលនៅមិនយូរប៉ុន្មានក្នុងពេលដ៏ឆាប់ខាងមុខនេះ។
ក្នុងឱកាសនាំយកប្រេងម៉ាស៊ូតដែលជាអំណោយរបស់ លោកអភិបាលខេត្ត ផ្ដល់ជូនប្រជាកសិករក្នុងឃុំដារស្រុកកំពង់លែងខាងលើនេះ លោក សាន់ យូ អភិបាលរងខេត្ត និងថ្នាក់ដឹកនាំស្រុកកំពង់លែងមាន លោក សំ ចាន់ថន ប្រធានក្រុមប្រឹក្សាស្រុកលោក យ៉ែម លក្ខិណា អភិបាលស្រុក អភិបាលរងស្រុក មេបញ្ជាការអា វុធហត្ថ អធិការនគរបាលស្រុក អា ជ្ញាធរឃុំ ក៏បានជួបសំណេះសំណាលជាមួយប្រជាកសិករនៅក្នុងមូលដ្ឋានឃុំដារ និងប្រជាកសិករមកពីបណ្ដាឃុំមួយចំនួនទៀតក្នុងស្រុកកំពង់លែងផងដែរ។ក្នុងឱកាសនោះលោកអភិបាលរងខេត្ត និងថ្នាក់ដឹកនាំក៏បានណែនាំដល់ប្រជាកសិករត្រូវយកចិត្តទុកដាក់ថែទាំដំណាំស្រូវ ដោយអនុវត្តទៅតាមការណែនាំរបស់មន្ត្រីជំនាញនៃមន្ទីរកសិកម្មទាំងការប្រើជី និងការប្រើថ្នាំកម្ចាត់សត្វល្អិត រួមនិងការបាញ់ថ្នាំបំផ្លាញស្មៅឲ្យមានប្រសិទ្ធភាព ចៀសវាងការចំណាយប្រាក់កាសច្រើនតែពុំទទួលបានលទ្ធផលល្អ ដែលធ្វើឲ្យបងប្អូនប្រជាកសិករយើងខាតបង់ប្រាក់និងពេលវេលា។
លោក យ៉ែម លក្ខិណា អភិបាលស្រុកកំពង់លែង បានបញ្ជាក់ ឲ្យដឹងដែរថា ប្រេងចំនួន១,០០០លីត្រដែលជាអំណោយរបស់លោកអភិបាលខេត្ត គឺបានយកទៅផ្ដល់ជូនប្រជាកសិករនៅក្នុងឃុំដារ សម្រាប់បូមទឹកចេញពីចំណុចប្រឡាយស្ទឹងរ័ត្ន ទម្លាក់ចូលប្រឡាយមេនិងបូមចែកចាយតាមស្រែដែលខ្វះខាតទឹក លោកអភិបាលស្រុក បានបញ្ជាក់ឲ្យដឹងទៀតថា នៅក្នុងភូមិសាស្ត្រតំបន់ខាងលើនេះ បច្ចុប្បន្នមានប្រជាកសិករធ្វើស្រែប្រាំងចំនួន១,៣១៥ គ្រួសារ លើផ្ទៃដីស្រែប្រាំងដែលកំពុងបង្កបង្កើនផលជាក់ស្ដែងសរុប៣,៣២៣ហិកតា។
ដោយឡែកក្នុងឃុំដារ មានចំនួន៥ភូមិ ដែលភាគច្រើនប្រជាពល រដ្ឋមានមុខរបរបង្កបង្កើនផលស្រូវប្រាំងនៅក្នុងឱកាសនេះពួកគាត់ រីករាយយ៉ាងក្រៃលែងដោយបានឃើញថ្នាក់ដឹកនាំយកចិត្តទុក ដាក់ទៅលើជីវភាពរស់នៅរបស់ប្រជាពលរដ្ឋនូវគ្រប់កាលៈទេសៈ សកម្មភាពប្រកប ដោយព្រហ្មវិហារធម៌របស់ថ្នាក់ដឹកនាំនៅគ្រប់ទីកន្លែងធ្វើឲ្យពួកគាត់ចងចាំជានិច្ច និងមិនអាចបំភ្លេចបានឡើយ។ពួកគាត់យល់យ៉ាងច្បាស់ថា ទង្វើដ៏ល្អប្រកបដោយសីលធម៌និងយកចិត្តទុកដាក់ខ្ពស់របស់ថ្នាក់ដឹកនាំទាំងអស់នេះគឺជាគោលន យោបាយរបស់រាជរដ្ឋាភិបាលដែលមានសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ដែលលោកបន្តយកចិត្តទុកដាក់មកលើជីវភាព រស់នៅរបស់ប្រជាពលរដ្ឋ ដូចដែលសម្ដេចអគ្គមហាសេនាបតីតេជោ អតីតនាយករដ្ឋមន្ត្រីនៃព្រះរាជាណាចក្រកម្ពុជាដែលតែងយកចិត្តទុកដាក់មកលើជីវភាពរស់នៅប្រជាពលរដ្ឋដូច្នេះដែរ៕
