(កំពង់ឆ្នាំង)៖រដ្ឋបាលខេត្តកំពង់ឆ្នាំងនៅព្រឹកថ្ងៃទី៨ខែមករា ឆ្នាំ ២០២៥ បានបើកកិច្ចប្រជុំបូកសរុបលទ្ធផលការងារប្រចាំឆ្នាំ២០២៤ និងលើកទិសដៅការងារឆ្នាំ២០២៥ របស់ក្រុមការងាររាជរដ្ឋាភិបាលចុះមូលដ្ឋានខេត្តកំពង់ឆ្នាំង ក្រោមអធិបតីភាពលោកបណ្ឌិតសភាចារ្យ អ៊ុក រ៉ាប៊ុន ទេសរដ្ឋមន្រ្តីទទួលបន្ទុកបេសកកម្មពិសេស និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ឆ្នាំង។
ក្នុងពិធីនេះក៏មានការចូលរួមពីសំណាក់លោកប្រធាននិងអនុប្រធានក្រុមការងារថ្នាក់ជាតិចុះមូលដ្ឋានក្រុង-ស្រុក លោក ស៊ុន សុវណ្ណារិទ្ធិ អភិបាលខេត្ត លោកអភិបាលរង ខេត្តកំពង់ឆ្នាំង ប្រធានក្រុមប្រឹក្សាខេត្ត លោកអភិបាលស្រុកទាំង៨ ប្រធានមន្ទីរអង្គភាពជុំវិញខេត្ត កងកម្លាំងប្រដាប់អាវុធក្នុងខេត្តចូលរួមផងដែរ។
លោក ស៊ុន សុវណ្ណារិទ្ធិ អភិបាលនៃគណៈអភិបាលខេត្តកំពង់ឆ្នាំង ក្នុងពិធីនេះបានអានរបាយការណ៍សង្ខេបអំពីលទ្ធផលរបស់ក្រុមការងាររាជរដ្ឋាភិបាលចុះមូលដ្ឋានខេត្តកំពង់ឆ្នាំង ដែលសម្រេចបានអំពីចំណុចខ្លាំងនិងចំណុច ខ្សោយព្រមទាំងបញ្ហាប្រឈមមួយចំនួន នៅក្នុងឆ្នាំ២០២ ៤កន្លងទៅ និងលើកទិសដៅអនុវត្តបន្តនៅក្នុងឆ្នាំ២០២៥ ស្របតាមគោលនយោបាយបញ្ចកោណរបស់រាជរដ្ឋាភិ បាលអាណត្តិទី៧ ដឹកនាំដោយសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ។
ចំណុចសំខាន់ៗនៃការពិភាក្សាក្នុងកិច្ចប្រជុំនេះលោកបណ្ឌិតសុភាចារ្យ លោកអភិបាលខេត្ត អភិបាលរងខេត្តលោកប្រធានក្រុមការងារចុះមូលដ្ឋានក្រុង-ស្រុកទាំង៨ បានពិភាក្សាគ្នាផ្ដោតលើការគ្រប់គ្រងការពារដីតំបន់៣ ដីគម្របព្រៃឈើឆ្នាំ២០០២ ដីបរិស្ថាន ដីតំបន់អភិរក្ស ដីព្រៃ លិចទឹកជុំវិញបឹងទន្លេសាបការវាស់វែងដីធ្លីផ្ដល់កម្មសិទ្ធិជូនប្រជាពលរដ្ឋ។ជំរុញនិងពង្រឹងការអនុវត្តគោលនយោ បាយភូមិឃុំមានសុវត្ថិភាពគ្មានក្មេងទំនើង គ្មានគ្រឿង ញៀន គ្មានល្បែងស៊ីសង គ្មានអំពើហិង្សា គ្មានចោរកម្មឆក់ប្លន់ គ្មានគ្រោះថ្នាក់ចរាចរណ៍។ដោយរួមគ្នាដោះស្រា យសំណូមពរ និងការដោះស្រាយសេវាតម្រូវការចាំបាច់ជូនប្រជាពលរដ្ឋ ដើម្បីប្រជាពលរដ្ឋរស់នៅប្រកបមុខរបរធ្វើអាជីវកម្មផ្សេងៗនិងធ្វើស្រែចម្ការ នៅគ្រប់មូលដ្ឋានប្រ កបទៅដោយសុខសន្តិភាព សណ្ដាប់ធ្នាប់ល្អ។
ក្នុងនោះលោកបណ្ឌិតសភាចារ្យ ក៏បានណែនាំដល់អាជ្ញា ធរស្រុក-ក្រុង ឃុំ-សង្កាត់ត្រូវចុះរៀបចំវេទិកាសាធារណៈនៅថ្នាក់មូលដ្ឋានឱ្យបានញឹកញាប់និងគ្រប់មូលដ្ឋាន។ដើ ម្បីទទួលនូវសំណូមពរនិងកង្វល់ផ្សេងៗរបស់ប្រជាពល រដ្ឋ នឹងយកពិនិត្យធ្វើការដោះស្រាយជូនគាត់ឲ្យបានទាន់ ពេលវេលា។លោកបណ្ឌិតសភាចារ្យបានលើកឡើងទៀតថា ក្រុមការងាររាជរដ្ឋាភិបាលចុះមូលដ្ឋានមានតួនាទីតម្រ ង់ទិស គាំទ្រនិងជំរុញការលើកកម្ពស់សមត្ថភាពស្ថាប័ននៅមូលដ្ឋានដើម្បីពង្រឹងការទទួលខុសត្រូវនិងភាពជាម្ចា ស់របស់មូលដ្ឋានក្នុងការអនុវត្តកម្មវិធីនយោបាយយុទ្ធសា ស្ត្របញ្ចកោណដំណាក់កាលទី១ និងកម្មវិធីកំណែទម្រង់នានារបស់រាជរដ្ឋាភិបាល សំដៅធ្វើការអភិវឌ្ឍន៍មូលដ្ឋានការលើកកម្ពស់ការផ្ដល់សេវាសាធារណៈ និងការដោះស្រា យឆ្លើយតបសំណើរសំណូមពរនិងសេចក្តីត្រូវការរបស់ប្រ ជាពលរដ្ឋនៅតាមមូលដ្ឋាននីមួយៗប្រកបដោយប្រសិទ្ធ ភាពតម្លាភាព និងគណនេយ្យភាព។
ផ្អែកលើតួនាទីដ៏មានសារៈសំខាន់ខាងលើនេះក្រុមការងាររាជរដ្ឋាភិបាលចុះមូលដ្ឋានមានភារកិច្ចសំខាន់ៗជាច្រើនពិសេសគឺត្រូវសហការគាំទ្រដល់មូលដ្ឋានដែលក្រុមការងារចុះបំពេញការងារធ្វើការវាយតម្លៃអំពីសមត្ថភាពស្ថាប័នធនធានមនុស្សនិងសក្តានុពលនៃការអភិវឌ្ឍន៍មូលដ្ឋានសមិទ្ធផល បញ្ហាប្រឈមនានានៅក្នុងមូលដ្ឋាន ដើម្បីធ្វើការគាំទ្រដល់មូលដ្ឋានក្នុងការរៀបចំផែនការសកម្មភាពសម្រាប់អនុវត្តកម្មវិធីនយោបាយយុទ្ធសាស្ត្របញ្ចកោណដំណាក់កាលទី១ និងកម្មវិធីកំណែទម្រង់នានារបស់រាជរដ្ឋាភិបាលសំដៅជំរុញការអភិវឌ្ឍន៍មូលដ្ឋានការផ្ដល់សេវាសាធារណៈ និងការដោះស្រាយឆ្លើយតបបញ្ហាប្រឈមនា នានៅមូលដ្ឋានឲ្យបានទាន់ពេលវេលានិងមានប្រសិទ្ធភាព៕
