(កំពង់ឆ្នាំង)៖រាជរដ្ឋាភិបាលបានរៀបចំក្រុម ការងាររាជរដ្ឋាភិបាលចុះមូលដ្ឋានដោយបានចាត់តាំងសមាជិកសមាជិការាជរដ្ឋាភិបាលនិងមន្ត្រីរាជការតាមក្រសួងស្ថាប័នជាសមាសភាពក្នុងក្រុមការងារនេះជាបន្តបន្ទាប់សំដៅចូលរួមគាំទ្រនិងជំរុញការអនុវត្តកម្មវិ ធីនយោបាយយុទ្ធសាស្ត្រគោលនយោបាយនិងកម្មវិធីកំណែទម្រង់នានារបស់រាជរដ្ឋាភិបាលដើម្បីបម្រើផលប្រយោជន៍និងសេចក្តីត្រូវការរបស់ប្រជាពលរដ្ឋនៅតាមមូលដ្ឋាននានានិងចូលរួមបំផុសចលនាឲ្យមានការគាំទ្រការចូលរួមពីប្រជាពលរដ្ឋគ្រប់មជ្ឈដ្ឋានក្នុងការកសាងអភិវឌ្ឍប្រទេសជាតិឲ្យមានការរីក ចម្រើនលើគ្រប់វិស័យ។
ដោយអនុវត្តទៅតាមសេចក្តីណែនាំរបស់រាជរដ្ឋាភិ បាលខាងលើនេះ ដោយឡែកនៅស្រុកបរិបូណ៌ ខេ ត្តកំពង់ឆ្នាំង នៅព្រឹកថ្ងៃទី៧ ខែមិថុនា ឆ្នាំ២០២៤នេះ បានប្រជុំរៀបចំសមាសភាព តួនាទីភារកិច្ច និងរបៀបរបបការងាររបស់ក្រុមការងាររាជរដ្ឋាភិបាលចុះមូលលដ្ឋានឃុំទាំង១១របស់ស្រុកបរិបូរណ៍ ដើម្បីចូលរួមគាំទ្រនិងជំរុញការអនុវត្តកម្មវិធីនយោបាយយុទ្ធសាស្ត្របច្ចកោណផែនការយុទ្ធសាស្ត្រអភិវឌ្ឍន៍ជាតិគោលនយោបាយនិងកម្មវិធីកំណែទម្រង់នានារបស់រាជរដ្ឋាភិបាលឲ្យមានសកម្មភាពផុលផុសនៅតាមមូលដ្ឋានក្នុងស្រុកបរិបូណ៌ទាំងមូល ដើម្បីរួមគ្នាបន្តជំរុញការអភិវឌ្ឍប្រទេសជាតិឲ្យឈានចូលដំណាក់កាលថ្មីសំដៅឈានទៅសម្រេចបានចក្ខុវិស័យកម្ពុជាឆ្នាំ២០៥០។
ពិធីនេះបានប្រព្រឹត្តទៅក្រោមអធិបតីភាពលោក លី ណារុន រដ្ឋលេខាធិការក្រសួងអភិវឌ្ឍន៍ជន បទនិងជាប្រធានក្រុមការងាររាជរដ្ឋាភិបាលចុះ មូលដ្ឋានស្រុកបរិបូណ៌ និងដោយមានការអញ្ជើញចូលរួមពី សំណាក់អស់លោក-លោក ស្រីមកពីតាមបណ្ដាក្រសួងនានានិងអភិបាល រងខេត្ត អភិបាលស្រុកនិងអភិបាលរងស្រុកបរិបូណ៌ និងក៏មានការចូលរួមពីថ្នាក់ដឹកនាំសំខាន់ៗមកពីតាមបណ្ដាមន្ទីរ អង្គភាពជុំវិញខេត្ត ដែលសុទ្ធសឹងជាសមាជិករបស់រាជរដ្ឋាភិបាលចុះមូលដ្ឋានស្រុកបរិបូរណ៍ជាច្រើនរូបផងដែរ។
នៅក្នុងពិធីខាងលើនេះដែរ បន្ទាប់ពីលោក ចេង ចាន់ដូណា អភិបាលស្រុកបរិបូរណ៍ បានឡើងប្រកាសសមាសភាពរបស់ក្រុមការងាររាជរដ្ឋាភិ បាលចុះមូលដ្ឋានក្នុងឃុំទាំង១១ របស់ស្រុកបរិបូរណ៍រួចមក លោក លី ណារុន រដ្ឋលេខា ធិការក្រសួងអភិវឌ្ឍន៍ជនបទ និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកបរិបូណ៌ បានអញ្ជើញឡើងមានប្រសាសន៍ទៅកាន់សមាជិករបស់រាជរដ្ឋាភិបាលចុះមូលដ្ឋា នស្រុកបរិបូណ៌ ដែលបានអញ្ជើញចូលរួមនៅ ក្នុងកម្មវិធីខាងលើនេះថា ជាដំបូងលោកសូមពាំនាំនូវប្រសាសន៍ផ្ដាំផ្ញើសួរសុខទុក្ខប្រកប ដោយមនោសញ្ចេតនា សេចក្តីស្រឡាញ់ សេចក្តីនឹករលឹកយ៉ាងជ្រាលជ្រៅ និងពរសព្វសាធុការពីសំណាក់ សម្ដេច អគ្គមហាសេនាបតីតេជោ ហ៊ុន សែន ប្រធានក្រុមឧត្តមក្រុម ប្រឹក្សាផ្ទាល់ព្រះមហាក្សត្រ និងជាប្រធានព្រឹទ្ធ សភា និង សម្ដេច គតិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា និងសម្ដេច មហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវបណ្ឌិត ជូនចំពោះថ្នាក់ដឹកនាំមន្ត្រីរាជការគ្រប់លំដាប់ថ្នាក់ព្រមទាំងសមាជិក សមាជិកាទាំងអស់ដែលបានអញ្ជើញចូលរួមនៅទីនេះ។
នៅក្នុងពិធីប្រកាសតួនាទីភារកិច្ចនិងបង្ហាញពីរបៀបរបបការងាររបស់ក្រុមការងាររាជរដ្ឋាភិ បាលចុះមូលដ្ឋានស្រុកបរិបូណ៌ខាងលើនេះដែរ លោកប្រធានក្រុមការងាររាជរដ្ឋាភិបាលចុះមូល ដ្ឋានស្រុកបរិបូណ៌ ក៏បានផ្ដល់នូវអនុសាសន៍ដ៏មានសារៈសំខាន់មួយចំនួនជូនដល់សមាជិករាជរដ្ឋាភិបាលចុះមូលដ្ឋានស្រុកបរិបូរណ៍ទាំង អស់ ដើម្បីយកទៅអនុវត្តឱ្យមានប្រសិទ្ធភាព តម្លាភាព និងគណនីយភាព នៅក្នុងមូលដ្ឋានរបស់ខ្លួន។
លោកប្រធានបានលើកឡើងថា: ក្រុមការងាររាជរដ្ឋាភិបាលចុះមូលដ្ឋានមានតួនាទីតម្រង់ទិសគាំទ្រ និងជំរុញការលើកកម្ពស់សមត្ថភាពស្ថាប័ននៅមូលដ្ឋាន ដើម្បីពង្រឹងការទទួលខុស ត្រូវនិងភាពជាម្ចាស់របស់មូលដ្ឋានក្នុងការអនុ វត្តកម្មវិធីនយោបាយយុទ្ធសាស្ត្របច្ចកោណដំណាក់កាលទី១ គោលនយោបាយនិងកម្មវិធីកំណែទម្រង់នានារបស់រាជរដ្ឋាភិបាលសំដៅធ្វើការអភិវឌ្ឍន៍មូលដ្ឋានការលើកកម្ពស់ការផ្ដល់សេវាសាធារណៈនិងការដោះស្រាយឆ្លើយ តបសំណើរសំណូមពរនិងសេចក្តីត្រូវការរបស់ប្រជាពលរដ្ឋនៅតាមមូលដ្ឋាននីមួយៗប្រកប ដោយប្រសិទ្ធភាពតម្លាភាព និងគណនេយ្យភាព។
លោកប្រធានក្រុមការងាររាជរដ្ឋាភិបាលចុះមូល ដ្ឋានស្រុកបរិបូរណ៍ បានបន្តទៀតថា: ផ្អែកលើតួនាទីដ៏មានសារៈសំខាន់ខាងលើនេះក្រុមការ ងាររាជរដ្ឋាភិបាលចុះមូលដ្ឋានមានភារកិច្ចសំខាន់ៗជាច្រើន ពិសេសគឺត្រូវសហការគាំទ្រដល់មូលដ្ឋានដែលក្រុមការងារចុះបំពេញការ ងារធ្វើការវាយតម្លៃអំពីសមត្ថភាពស្ថាប័នធន ធានមនុស្ស និងសក្តានុពលនៃការអភិវឌ្ឍន៍មូលដ្ឋាន សមិទ្ធផល បញ្ហាប្រឈមនានានៅក្នុងមូលដ្ឋាន ដើម្បីធ្វើការគាំទ្រដល់មូលដ្ឋានក្នុងការរៀបចំផែនការសកម្មភាពសម្រាប់អនុវត្តកម្ម វិធីនយោបាយយុទ្ធសាស្ត្របច្ចកោណដំណាក់ កាលទី១ គោលនយោបាយនិងកម្មវិធីកំណែ ទម្រង់នានា របស់រាជរដ្ឋាភិបាលសំដៅជំរុញការអភិវឌ្ឍន៍មូលដ្ឋានការផ្ដល់សេវាសាធារណៈនិងការដោះស្រាយឆ្លើយតបបញ្ហាប្រឈមនានានៅមូលដ្ឋានឲ្យបានទាន់ពេលវេលា និងមានប្រសិទ្ធភាព៕
