Author: tnr

ខេត្តកំពង់ឆ្នាំង: ព្រះសង្ឃ អាជ្ញាធរនិងប្រជាពលរដ្ឋរស់នៅភូមិបាញ់ឆ្គោល ឃុំជ្រៃបាក់ ស្រុករលាប្អៀរ បានសំណូមពរដល់សប្បុរសជនក៏ដូចជាមន្ទីរក្រសួងពាក់ព័ន្ធជួយឧបត្ថម្ភកសាងស្ពានព្រៃក្រាំងដែលជាអត្ថប្រយោជន៍ការធ្វើដំណើររបស់ប្រជាពលរដ្ឋជាច្រើន ភូមិក្នុង ឃុំជ្រៃបាក់និងឃុំព្រៃខ្មែរ ស្រុករលាបៀរ ។ ព្រះគ្រូចៅអធិការវត្ត មង្គលបញ្ញា ហៅវត្តបឆ្គោល ក្នុងឃុំជ្រៃបាក់ ស្រុករលាប្អៀរ ព្រះនាម ស៊ុន យីម មានថេរដីកាថា: ដោយការជួបលំបាកក្នុងការធ្វើដំណើររបស់ប្រជាពលរដ្ឋជាច្រើនភូមិក្នុងឃុំចំនួន២ស្រុករលាប្អៀរ ទើបថ្ងៃនេះបងប្អូនប្រជាពលរដ្ឋមូលមតិគ្នា បើកការដ្ឋានសាងសង់ស្ពាន ទៅតាមលទ្ធភាពជាក់ស្ដែងដែលពួកគាត់មានជាបណ្ដើរៗ ហើយតាមការប្រមាណ តម្លៃរហូតដល់ជិត៣ម៉ឺនដុល្លារ។ ក្នុងនាមព្រះអង្គជាចៅអធិការវត្តបាញ់ឆ្គោលជំនួសឱ្យបងប្អូនពុទ្ធបរិស័ទ សូមអំពាវនាវដល់បងប្អូនសប្បុរសជនទាំងក្នុងនិងក្រៅប្រទេស មេត្តាជួយឧបត្ថម្ភជាថវិកាជាសម្ភារៈជួយកសាងស្ពានមួយកន្លែងនេះសម្រាប់ជាប្រយោជន៍ដល់បងប្អូនប្រជាពលរដ្ឋក្នុងការធ្វើដំណើរ និងដឹកកសិផលផងចុះ។ លោក សំ សំណាង មេភូមិបាញ់ឆ្គោល ឃុំជ្រែកបាក់ ស្រុករលា ប្អៀរ បានបញ្ជាក់ថា: គម្រោងសាងសង់ស្ពានមួយកន្លែងនេះមានប្រវែង២០ម៉ែត្រ ទទឹង ៤.១០ម៉ែត្រ កម្ពស់៦ម៉ែត្រ ដែលគ្រោងចំណាយថវិកាអស់ប៉ុន្មានជាង២ម៉ឺនដុល្លារ។ ក្នុងនាមលោកជាអាជ្ញាធរ ជំនួសមុខឲ្យប្រជាពលរដ្ឋសូមអំពាវនាវដល់បងប្អូនប្រជាពលរដ្ឋដែលមានសប្បុរសធម៌ ក៏ដូចជាមន្ទីរក្រសួងពាក់ព័ន្ធ មេត្តាជួយឧបត្ថម្ភជាសម្ភារៈដែកស៊ីម៉ង់ដើម្បីឲ្យការកសាងស្ពានមួយកន្លែងនេះបានលឿនឆាប់រហ័ស បានបងប្អូនប្រជាពលរដ្ឋធ្វើដំណើរព្រោះថាបើតាមលទ្ធភាពដែលបានចាប់ផ្ដើមកសាងនៅពេលនេះមានទឹកប្រាក់១៥០០ដុល្លារប៉ុណ្ណោះ។ តាមការបញ្ជាក់របស់មេភូមិបាញ់ឆ្គោល បានដោយដឹងថា: កាល ដើមឡើយស្ពានមួយកន្លែងនេះជាស្ពានឈើ ហើយបានបាក់រលំកាលអំឡុងខែមករាឆ្នាំ២០២៣ ក្រោយពេលប្រជាពលរដ្ឋប្រមូលផលស្រូវអស់មានទឹកជំនួនធំធ្លាក់ពីលើមកមិនដែលបាក់តែម្ដង ៕

កំពង់ឆ្នាំង៖នៅព្រឹកថ្ងៃទី៩ ខែមករា ឆ្នាំ២០២៤ នេះលោក ស៊ុន សុវណ្ណារិទ្ធិ អភិបាលខេត្តកំពង់ឆ្នាំង ដឹកនាំក្រុមការងារជាថ្នាក់ដឹកនាំខេត្ត ចុះទៅកាន់ស្រុកកំពង់លែងដើម្បីជួបសំណេះសំណាលជាមួយបងប្អូនប្រជាពលរដ្ឋ និងផ្សព្វផ្សាយនូវ សជណ របស់រាជរដ្ឋាភិបាលជូនដល់ប្រជាពលរដ្ឋក្នុងស្រុកកំពង់លែង អំពីខ្លឹមសារ សជណ របស់រាជរដ្ឋាភិបាលដែលបានអនុញ្ញាតឱ្យប្រជាពលរដ្ឋក្នុងស្រុកកំពង់លែងមួយចំនួន ដែលធ្លាប់បានអាស្រ័យផលក្លង់ដីតំបន់៣កន្លងមក អាចអាស្រ័យផលក្នុងដីតំបន់៣បានមួយរដូវជាបណ្ដោះអាសន្ន ដោយចាប់អនុវត្តពីខែធ្នូ ឆ្នាំ២ ០២៣ រហូតដល់ខែកក្កដា ឆ្នាំ២០២៤។ ករណីសំណើរបស់ប្រជាពលរដ្ឋស្រុកកំពង់លែង ខេត្តកំពង់ឆ្នាំង សុំកាត់ឆ្វៀលនិងអាស្រ័យផលលើទីតាំងដីក្នុងតំបន់៣ នៃតំបន់ទន្លេសាបភូមិសាស្ត្រខេត្តកំពង់ឆ្នាំង។ យោងលិខិតលេខ៤៤៤៨ ដនស/ក្រ.វ.ដីធ្លី ចុះថ្ងៃទី២៨ ខែធ្នូឆ្នាំ២០២៣ របស់ក្រសួងរៀបចំដែនដីនគរូបនីយកម្ម និងសំណង់ -លិខិតលេខ០០៥ ខន/០២៤ សជណ ចុះថ្ងៃទី៥ ខែមករា ឆ្នាំ២០២៤ របស់ខុទ្ទកាល័យសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា -ចំណារដ៏ខ្ពង់ខ្ពស់បំផុតរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាចុះថ្ងៃទី៣ ខែមករា ឆ្នាំ២០២៤។ សេចក្តីដូចបានចែងក្នុងកម្មវត្ថុនិងយោងខាងលើ ទីស្ដីការគណៈរដ្ឋមន្ត្រីសូមជម្រាបជូន ឯកឧត្តម មេត្តាជ្រាបថា រាជរដ្ឋាភិបាលសម្រេចជាគោលការណ៍ដូចខាងក្រោម៖ ១- អនុញ្ញាតឱ្យប្រជាពលរដ្ឋដែលធ្លាប់ប្រើប្រាស់និងអាស្រ័យផលក្នុងដីតំបន់៣នៃបឹងទន្លេសាបក្នុងភូមិសាស្ត្រស្រុកកំពង់លែង […]

(កំពង់ឆ្នាំង)៖ទីតាំងមេទឹកមួយកន្លែង ស្ថិតនៅក្នុងភូមិអន្លង់មេត្រី ឃុំពាមឆ្កោក ស្រុកជលគីរី ដែលប្រ ជាពលរដ្ឋបានអះអាងថា ត្រូវបានអាជ្ញាធរលួចលក់ឲ្យឈ្មួញដើម្បីប្រមូលផលត្រីនៅរដូវសម្រក ហើយត្រូវបានសារព័ត៌មាន ចុះផ្សាយកាលពីថ្ងៃទី១៥ ខែធ្នូ ឆ្នាំ២០២៣កន្លងទៅនេះ បច្ចុប្បន្នវិវាទខាងលើនេះត្រូវបានដោះស្រាយបញ្ចប់ផងដែរ។ លោក លី ឡា នាយខណ្ឌរដ្ឋបាលជលផលកំពង់ឆ្នាំង បានប្រាប់ នៅល្ងាចថ្ងៃទី២០ ខែធ្នូ ឆ្នាំ២០២៣នេះ ឱ្យដឹងផងដែរថា: បន្ទាប់ពីមន្ត្រីជំនាញខណ្ឌរដ្ឋបាលជលផលកំពង់ ឆ្នាំងចុះធ្វើការសម្រប សម្រួលជាមួយអាជ្ញាធរស្រុកជលគីរី និងរដ្ឋបាលឃុំពាមឆ្កោក រួមនិងសមត្ថកិច្ចក្នុងមូលដ្ឋាន ព្រមទាំងគណៈកម្មការសហគមន៍នេ សាទអន្លង់មេត្រីសែនជ័យ និងតំណាងប្រជាពលរដ្ឋរួចមក ក្រុមការងារនៃមន្ត្រីជំនាញរដ្ឋបាលជលផលបានធ្វើការប្រជុំ និងជម្រាបជូនដល់អាជ្ញាធរស្រុក និ ងរដ្ឋបាលឃុំពាមឆ្កោកឲ្យបញ្ឈប់សកម្មភាព ទិញ, លក់,មេទឹកដែលមាននៅក្នុងឃុំពាមឆ្កោកខាងលើនេះចាប់ពីពេលនេះតទៅ។ លោកបានបញ្ជាក់ឲ្យដឹងទៀតថា: នៅក្នុងកិច្ចប្រជុំដោះស្រាយនេញផងដែរ ក្រុមការងារជំនាញរបស់លោកក៏បានលើកឡើងផ្អែកតាមច្បាប់ស្ដីពីជលផល និងតាមអនុក្រឹត្យលេខ៨០ អនក្រ ចុះថ្ងៃទី១០ ខែមិ ថុនា ឆ្នាំ២០០៥ របស់រាជរដ្ឋាភិបាលស្ដីពីការគ្រប់ គ្រងសហគមន៍នេសាទ ត្រង់ជំពូក៣នៃមាត្រា១២ គឺពុំមានសិទ្ធិលក់,ដោះដូរ,ជួល,ធ្វើអំណោយ,ប្រវា ស់,បែងចែក,ខ្ចី,បញ្ចាំ,ឬផ្ទេរកន្លែងសហគមន៍បានឡើយ។ក្នុងនោះដែរអាជ្ញាធរឃុំពាមឆ្កោកក៏បានឯក ភាពនិងទទួលយកនៅដំណោះស្រាយខាងលើនេះនឹងបានធ្វើការផ្សព្វផ្សា យបន្តអោយបញ្ឈប់ការលក់ ដូរមេទឹក តាមគោលការណ៍របស់ខណ្ឌរដ្ឋបាលជល ផលកំពង់ឆ្នាំង ដោយទុកមេទឹកនេះសម្រាប់ប្រជាពលរដ្ឋក្នុងសហគមន៍ធ្វើការនេសាទជាលក្ខណៈគ្រួសារ […]

(កំពង់ឆ្នាំង)៖កាលពីព្រឹកថ្ងៃទី១៧ ខែធ្នូ ឆ្នាំ២០២៣ កម្លាំងចម្រុះដឹកនាំដោយលោក ប៉ែន ផល្លិកា អនុរដ្ឋលេខាធិការក្រសួងកសិកម្មរុក្ខាប្រមាញ់និងនេសាទ និងលោក សុង ហុង អនុប្រធានរដ្ឋបាលជលផល រួមនិងអធិការដ្ឋានរដ្ឋបាលជល ផលខាងត្បូង និងខាងជើងបឹងទន្លេសាបសហការជាមួយខណ្ឌរដ្ឋបា លជលផលកំពង់ឆ្នាំង, ពោធិ៍សាត់, និងកំពង់ធំ,រួមនិងកងរាជអាវុធហត្ថចម្រុះប្រចាំបឹងទន្លេសាប ដែលកម្លាំងសរុបមានចំនួន៦៧នាក់មធ្យោបាយកាណូ ត១៥គ្រឿង បានចុះបង្ក្រាបបទល្មើសនេសាទទ្រង់ ទ្រាយធំនៅចំណុចកដប ជាប់ព្រំប្រទល់៣ខេត្ត គឺខេត្តកំពង់ឆ្នាំង,កំពង់ធំ,និងខេត្តពោធិ៍សាត់។ ជាលទ្ធផលកម្លាំងចម្រុះបានចុះរុះរើរបាំងសាច់អួនចំនួន២៤កន្លែងដែលមានប្រវែង៦.៩០០ម៉ែត្រ លបលូសាច់អួន២៤លបបង្គោលបោះរបាំងចំនួន៦៥០ ដើម និងចាក់ព្រលែងត្រីចំនួន២៦០គីឡូ ក្រាមចូលទៅក្នុងបឹងទន្លេសាបវិញ។ លោក លី ឡា នាយខណ្ឌរដ្ឋបាលជលផលកំពង់ឆ្នាំ ង ដែលលោកបានដឹកនាំកម្លាំងរដ្ឋបាលជលផលកំពង់ឆ្នាំងចូលរួមការបង្ក្រាបបទល្មើសនេសាទខាង លើនេះ បានប្រាប់ឲ្យដឹងនៅព្រឹកថ្ងៃទី១៨ ខែធ្នូ ឆ្នាំ២០២៣នេះថា: កិច្ចសហប្រតិបត្តិការបង្ក្រាបបទល្មើសនេសាទទ្រង់ទ្រាយធំដូចខាងលើនេះគឺអនុវត្តរយៈពេល៦ថ្ងៃ ដោយចាប់ផ្ដើមធ្វើពីថ្ងៃទី១៧ ខែធ្នូ រហូតដល់ថ្ងៃទី២២ ខែធ្នូ ឆ្នាំ២០២៣។ បន្ទាប់ពីការចុះប្រតិបត្តិការបង្កាបបទល្មើសនេសាទរួមគ្នាទាំង៣ខេត្តរយៈពេល៦ថ្ងៃរួចហើយ តាមបណ្ដាខេត្តនីមួយៗត្រូវអនុវត្តកិច្ចការនេះបន្តទៅតាមបណ្ដាខេត្តរៀងៗខ្លួន ដោយធ្វើយ៉ាងណាមិនឲ្យកើតមាននូវបទល្មើសនេសាទ ដែលជាការរាំងស្ទះដល់ការចរាចរណ៍របស់ហ្វូងត្រីពីបឹងទន្លេសាបចុះទៅទន្លេមេគង្គលើដើម្បីស្វែងរកចំណីទីជម្រកនិងបន្តពូជចាប់ពីខ្នើត ខែមិគសិរ ត្រូវនឹងខែធ្នូ ខណៈដែលទឹកបឹងទន្លេសាបហូរចេញក្នុងល្បឿនលឿន និងដើម្បីចិញ្ចឹមកូនចៅបន្តពូជពង្សតាមសេចក្តីណែនាំរបស់ក្រសួងកសិកម្មរុក្ខាប្រមាញ់និងនេសាទ៕

កំពង់ឆ្នាំង៖មានករណីវិវាទរវាងប្រជាពលរដ្ឋជា មួយនឹងអាជ្ញាធរដែលបានកើតឡើងនៅក្នុងស្រុកជលគីរី ខេត្តកំពង់ឆ្នាំង ពាក់ព័ន្ធករណីការលក់មេ ទឹកមួយកន្លែងស្ថិតនៅក្នុងភូមិអន្លង់មេត្រី ឃុំពាម ឆ្កោក ស្រុកជលគីរី ខេត្តកំពង់ឆ្នាំង ទៅអោយឈ្មួញធ្វើការនេសាទ ដែលធ្វើឲ្យពួកគាត់ជាម្ចាស់ស្រែនៅ ក្នុងទីតាំងមេទឹកខាងលើនេះកើតទុក្ខមិនសុខចិត្តនិងសុំឲ្យអាជ្ញាធរជួយធ្វើការដោះស្រាយពីបញ្ហានេះ។ បើតាមប្រជាពលរដ្ឋបានឲ្យដឹងថា: នៅក្នុងចំណុចទីតាំងមេទឹកខាងលើនេះ គឺមានស្រែប្រជាពលរដ្ឋដែលមានម្ចាស់ស្រែចំនួន៥៥គ្រួសារ។រយៈពេលជាច្រើនឆ្នាំកន្លងមកពួកគាត់បានលក់មេទឹកនេះទៅឲ្យឈ្មួញធ្វើការនេសាទ ដើម្បីយកប្រាក់មកសម្រាប់បូមទឹកបញ្ចូលស្រែ ជួសជុលទំនប់ និងប្រាក់មួយចំនួនទៀតសម្រាប់កសាងសមិទ្ធផលនានានៅក្នុងភូមិ។ តែឆ្នាំទៅអាជ្ញាធរបានលក់មេទឹកនេះទៅឲ្យឈ្មួញ ដែលពួកគាត់ជាម្ចាស់ស្រែមិនបានដឹង ហើយប្រាក់ដែលបានមកពីការលក់មេទឹកនោះមិនដឹងថាអាជ្ញា ធរយកទៅចាត់ចែងធ្វើអីនោះដែរ។ចំណែកឆ្នាំនេះមេទឹកខាងលើនេះរបស់ពួកគាត់ក៏ត្រូវបានអាជ្ញាធរធ្វើកិច្ចសន្យាលក់ទៅឲ្យឈ្មួញសម្រាប់រយៈពេល ៤ឆ្នាំជាបន្តទៀត ដែលធ្វើឲ្យពួកគាត់ជាម្ចាស់ស្រែពុំទទួលបានថវិកាសម្រាប់ចាត់ចែងទិញប្រេងបូមទឹកបញ្ចូលស្រែ សម្រាប់ជួសជុលទំនប់ និងកសាងស មិទ្ធផលនានាក្នុងភូមិនោះឡើយ។ហេតុនេះហើយបានធ្វើឲ្យពួកគាត់មិនសុខចិត្ត ដោយបានស្នើសុំអាជ្ញាធរបញ្ឈប់ការលក់ដូរមេទឹកទៅឱ្យឈ្មួញចាប់ពីឆ្នាំនេះតទៅដោយទុកឲ្យពួកគាត់ដែលជាម្ចាស់ស្រែនិងប្រជាពលរដ្ឋក្នុងភូមិជាអ្នកចាត់ចែង គឺទុកមេទឹកនេះសម្រាប់បម្រើដល់ផលប្រយោជន៍រួមនៅក្នុងភូមិអន្លង់មេត្រីទាំងមូល សម្រាប់ឱ្យប្រជាព លរដ្ឋក្នុងភូមិធ្វើការនេសាទជាលក្ខណៈគ្រួសារវិញ។ ពាក់ព័ន្ធនឹងករណីខាងលើនេះលោក កែវ រិទ្ធី អនុ ប្រធានមន្ទីរកសិកម្មរុក្ខា ប្រមាញ់ និងនេសាទខេត្តកំពង់ឆ្នាំង បានបញ្ជាក់ប្រាប់ កាលពីល្ងាចថ្ងៃទី១៤ ខែធ្នូ ឆ្នាំ២០២៣នេះឱ្យដឹងផងដែរថា: បើយោងតាមរបាយការ ណ៍បឋមរបស់ក្រុមការងាររបស់លោកដែលបានចុះដោះស្រាយករណីវិវាទខាងលើនេះ ជាមួយអាជ្ញាធរមូលដ្ឋានបានបញ្ជាក់ថា ករណីដែលបណ្ដាលឱ្យមានវិវាទនេះកើតឡើង គឺផ្ដើមឡើងចេញពីឈ្មួញបានដាក់របាំងស្បៃមុងព័ទ្ធជុំវិញទំនប់មេទឹកក្នុងដីស្រែរបស់ប្រជាពលរដ្ឋដែលជាម្ចាស់ស្រែសម្រាប់ចាប់ត្រីនៅពេលទឹកស្រក ឃើញដូច្នេះពួកគាត់ដែ លជាម្ចាស់ស្រែក៏បានធ្វើការរុះរើរបាំងនោះចេញពីដីរបស់ពួកគាត់ ប៉ុន្តែទើបតែរុះរើបានប្រមាណប្រវែងជា២ ទៅ៣ម៉ែត្រប៉ុណ្ណោះ ក៏មានទំនាស់រវាងអ្នកជួលនិងប្រជាពលរដ្ឋដែលជាម្ចាស់ស្រែតែម្ដង។ ក្នុងរបាយការណ៍នោះក៏បានបញ្ជាក់ឲ្យដឹងទៀតថា: នៅក្នុងថ្ងៃប្រជុំដោះស្រាយករណីវិវាទខាងលើនេះលោក កែវ […]

ក្រុមការងារសមាគមនារីអភិវឌ្ឍន៍កម្ពុជា និងរដ្ឋបាលខេត្តកំពង់ឆ្នាំង បានចុះសួរសុខទុក្ខ និងផ្ដល់អំណោយជូនកុមារនៅក្នុងមណ្ឌលកុមារកំព្រាក្នុងខេត្ត នៃថ្ងៃគម្រប់ខួប៤៥ឆ្នាំក្នុងការបង្កើតសមាគមនារីអភិវ ឌ្ឍន៍កម្ពុជា (កំពង់ឆ្នាំង)៖នៅក្នុងរយៈពេល៤៥ឆ្នាំនៃការបង្កើតសមាគមនារីអភិវឌ្ឍន៍កម្ពុជា នាព្រឹកថ្ងៃទី០៦ខែធ្នូឆ្នាំ២០២៣នេះ លោកស្រី ជូ ប៊ុនអេង អនុប្រធានអចិន្ត្រៃយ៍នៃសមាគម នារីអភិវឌ្ឍកម្ពុជា បានដឹកនាំក្រុមការងារអញ្ជើញចុះមកសួរសុខទុក និងផ្ដល់អំណោយជូនកុមារ និងអ្នកគ្រូនៅក្នុងមណ្ឌលកុមារកំព្រាក្នុងខេត្តកំពង់ឆ្នាំង។កម្មវិធីខាងលើនេះក៏មានការអញ្ជើញចូលរួមពីសំណាក់លោក ស៊ុន សុវណ្ណារិទ្ធិ អភិបាលខេត្តកំពង់ឆ្នាំង និងលោកស្រីជាភរិយា រួមនិងលោកស្រី កែ ច័ន្ទមុន្នី អ្នកតំណាងរាស្ត្រមណ្ឌលកំ ពង់ឆ្នាំងលោកស្រី ប៊ន សុភី អភិបាលរងខេត្តនិង មន្ត្រីរាជ ការមន្ទីរអង្គភាពជុំវិញខេត្តមួយចំនួនចូលអញ្ជើញចូលរួមផងដែរ។ លោកស្រី ជូ ប៊ុនអេង នៅក្នុងកម្មវិធីនេះ បានថ្លែងទៅកាន់ក្មួយៗនិងចៅ ៗជាកុមារកំព្រាថា មណ្ឌលកុមារកំព្រាក្នុងខេត្តកំពង់ឆ្នាំងមានតាំងពីឆ្នាំ១៩៧៩ដោយមានកុមារកំព្រារាប់រយនាក់ស្នាក់នៅជាបន្តបន្ទាប់ក្រោមការឧបត្ថម្ភពីអាជ្ញាធរនិងប្រមុខរាជរដ្ឋាភិបាលកម្ពុជា។ នៅក្នុងថ្ងៃខួប៤៥ឆ្នាំថ្ងៃបង្កើតសមាគមនារីអភិវឌ្ឍន៍កម្ពុជាថ្ងៃនេះក្នុងនាមសមាគមនារីកម្ពុជា លោកស្រីសូមផ្ដាំផ្ញើដល់ក្មួយៗចៅៗជាកុមារកំព្រាទាំងអស់សូមកុំគិតពីអតីតកាលរបស់ខ្លួន ដោយត្រូវប្រមូលផ្ដុំគំនិតបាញ់ឆ្ពោះក្នុងការរៀនសូត្រយកតម្រិះវិជ្ជាយកបច្ចេកទេសមុខជំនាញដើម្បីកសាងអនាគតរបស់ខ្លួនឲ្យបានល្អប្រសើរ ដើម្បីក្លាយជាពលរដ្ឋល្អនៅក្នុងសង្គមជាតិ។ លោក ស៊ុន សុវណ្ណារិទ្ធិ អភិបាលខេត្តកំពង់ឆ្នាំង ក្នុងពិធីនេះដែរលោកបានប្រកាសជួយឧបត្ថម្ភលើរបបចាស់ចំពោះកុមារកំព្រាតែបច្ចុប្បន្នមានចំនួន១៨នាក់និងអ្នកគ្រូ៣នាក់ដោយម្នាក់ៗទទួលបានប្រាក់ឧបត្ថម្ភក្នុងមួយខែ១០ម៉ឺនរៀល និងអង្ករក្នុងមួយខែ៣០០គីឡូ។ លោកអភិបាលខេត្តបានបញ្ជាក់ទៀតថា:ទាក់ទងនឹងការរៀនសូត្រនៅថ្នាក់ឧត្តមសិក្សាលោកអាចនឹងជួយផ្ដល់អាហាររូបករណ៍ដល់កុមារកំព្រាដែលបានប្រឡងចូលឧត្តមសិក្សានិងក៏មានអាហារូបករណ៍រៀននៅប្រទេសវៀតណាមផងដែរ ដូច្នេះក្មួយៗត្រូវខិតខំរៀនសូត្រ។ លោកអភិបាលខេត្តក៏បានផ្ដាំផ្ញើដល់អ្នកគ្រូទទួលបន្ទុកថែទាំកុមារកំព្រាក្នុងខេត្តផងដែរថា សូមអ្នកគ្រូរៀបចំកម្មវិធីជូនកុមារកំព្រាដើរទស្សនកិច្ចសិក្សាតាមបណ្ដាខេត្តនានាយ៉ាងហោ ចណាស់ក្នុងមួយឆ្នាំក៏បាន៣ដងយ៉ាងតិច ដោយការចំ ណាយទាំងអស់និងមធ្យោបាយធ្វើដំណើរ រដ្ឋបាលខេត្តជាអ្នករ៉ាប់រងឧបត្ថម្ភជូន។ចំពោះសន្តិសុខនៅក្នុងមណ្ឌលកុមារកំព្រាលោកនិងណែនាំដល់លោកអភិបាលក្រុងកំព់ង់ឆ្នាំងចាត់តាំងឲ្យមានសន្តិសុខយាមកាមការពារសុវត្ថិភាពនៅក្នុងមណ្ឌលកុមារមិនឲ្យកើតមានបញ្ហាអ្វីទៀតនោះឡើយ។ […]